Usı jıl 8-sentyabr kúni “Sud-ekspertlik jumısın bunnan bılay da jetilistiriw hám tarawǵa zamanagóy texnologiyalardı keńnen engiziw ilajları haqqında”ǵı Prezident qararı qabıl etildi.

Sud-ekspertlik jumısın rawajlandırıwdıń tiykarǵı maqsetleri etip tómendegiler belgilendi:
– sud-ekspertlik jumısın sanlastırıw hám jasalma intellektten paydalanıw arqalı izertlewlerdiń jedelligi, qalıslıǵı hám tolıqlıǵın támiyinlew;
– sud-ekspertiza shólkemleri hám ekspertiza tayınlawshı uyımlardıń málimleme sistemaların óz-ara integraciyalaw arqalı tarawda elektron hújjetler almasıw kólemin 100 procentke jetkeriw.
Qararǵa bola, sudlar, tergewge shekem tekseriw, sorastırıw, dáslepki tergew hám hákimshilik huqıqbuzarlıqlar haqqındaǵı jumıslardı kórip shıǵıw wákilligine iye uyımlar menen elektron hújjetler almasıwın támiyinleytuǵın “E-ekspertiza” málimleme sisteması sud-ekspertiza shólkemleriniń jumısına tolıq engiziledi.
“E-ekspertiza” platforması hám ekspertiza tayınlawshı uyımlardıń málimleme sistemaları arasında elektron málimleme almasıwı tómendegi basqıshlarda jolǵa qoyıladı:
– 2026-jıl 1-yanvardan respublika dárejesindegi ekspertiza tayınlawshı uyımlarda;
– 2026-jıl 1-iyunnen Qaraqalpaqstan Respublikası, wálayatlar hám Tashkent qalası dárejesindegi ekspertiza tayınlawshı uyımlarda;
– 2026-jıl 1-sentyabrden rayon (qala) dárejesindegi ekspertiza tayınlawshı uyımlarda.

Dildora DWSMATOVA,
ÓzAnıń xabarshısı