Búgin, 8-sentyabr kúni futbol boyınsha “CAFA Nations Cup” turniriniń sońǵı sheshiwshi final oyını bolıp ótedi. Onda Ózbekstan milliy saylandı komandası hám Iran saylandı komandası menen bellesedi.

Bul ushırasıw paytaxtımızdaǵı “Olimpiya” stadionında jergilikli waqıt penen saat 19:30 da baslanadı.
Ózbekstan futbol associaciyasınıń mirát etiwine bola, FIFA prezidenti Janni Infantino elimizge keldi. Sapar sheńberinde ol Ózbekstanda futboldı jáne de rawajlandırıwǵa qaratılǵan joybarlardı dodalaw, Milliy futbol orayı menen jaqınnan tanısıw hám “CAFA Nations Cup – 2025” jarısınıń final oyının stadionnan tamasha etiwdi rejelestirgen.
FIFA delegaciyasın Tashkent xalıqaralıq aeroportında Ózbekstan Respublikası sport ministri Adham Ikromov, Aziya olimpiada keńesiniń vice-prezidenti, MOK baslıǵınıń birinshi orınbasarı Otabek Umarov, ÓFA birinshi vice-prezidenti Ravshan Ermatov hám basqa da rásmiyler kútip aldı.
Maǵlıwmat ornında: “CAFA Nations Cup – 2025” turniriniń úshinshi orın ushın bolıp ótetuǵın bellesiwde Hindstan hám Oman saylandı komandaları óz-ara bellesedi. Bul bellesiw Tájikstan mámleketinde bolıp ótedi.

J.Toshxwjaev, ÓzA