Ministrler Kabinetiniń usı jıl 3-sentyabrdegi 560-sanlı qararı menen «Ózbekstan Respublikasınıń bajıxana aymaǵınan alıp shıǵılatuǵın tovarlardıń bajıxana bahasın anıqlaw tártibi haqqında»ǵı reje tastıyıqlandı.

Rejege bola, alıp shıǵılıp atırǵan tovarlardıń bajıxana bahasın anıqlaw tovarlardıń ıqtıyarlı yamasa jasalma bajıxana bahasınan paydalanıwǵa tiykarlanbawı kerek.
Eger alıp shıǵılatuǵın tovardıń bajıxana bahasın anıqlawdıń 1-usılın qollanıw múmkin bolmasa, basqa usıllar izbe-izlikte qollanıladı.
Bajıxana bahasın anıqlawdıń baslanǵısh ornı hár qashan haqıyqatında tólengen yamasa tóleniwi zárúr bolǵan bahanı, yaǵnıy satıp alıwshı satıwshıǵa tólegen yamasa tólewi zárúr bolǵan haqıyqıy qárejetlerin belgilew esaplanadı.

Sh.Mamaturopova,
ÓzA