Yurist hám bloger Xushnudbek Xudoyberdievtiń málim etiwinshe, 2025-jılǵı qabıllaw imtixanlarında abiturientlerdiń 41 procentten aslamı belgilengen minimal balldı toplay almaǵan.

Rásmiy maǵlıwmatlarǵa bola, bıyıl test sınaqlarında 614 768 abiturient qatnasqan. Bul ótken jılǵa salıstırǵanda 122 mıńǵa az.
Imtixan nátiyjelerine bola, 253 844 abiturient (41,29%) minimal esaplanǵan 56,7 balldı (maksimal balldıń 30 procenti) toplay almaǵan.
Sonıń menen birge, ótken jılǵa salıstırǵanda kórsetkish 6 procentke jaqsılanǵanı atap ótilmekte. Xudayberdievtiń atap ótiwinshe, sońǵı jılları unamlı dinamika baqlanbaqta. Máselen, 2022-jılı abiturientlerdiń 51,2 procenti minimal balldan tómen kórsetkishke iye bolǵan.
Aymaqlar kesiminde eń tómen nátiyje Ándijan wálayatında baqlandı – bul jerde abiturientlerdiń 47,6 procenti minimal balldı toplay almaǵan. Eń jaqsı kórsetkish bolsa Buxara hám Tashkentte dizimge alındı – 31,4 procent.

Qaraqalpaqstan xabar agentligi