Mámleketimizde júzimgershilik barǵan sayın rawajlanbaqta. Bul baǵdar baǵshılıqtıń eń áyyemgi tarmaqlarınan bolıp, ónim jetistiriwge hám qadaqlawǵa shekemgi bir neshe dáwirlerdi óz ishine aladı. Júzim jetistiriwdiń 4 tiykarǵı baǵdarı bolip, olar: awqatlıq júzim jetistiriw, kishmish keptiriw, konserva ónimleri hám sherbetler tayarlaw.

Milliy statistika komitetiniń maǵlıwmatlarına bola, mámleketimizde 2025-jıldıń birinshi yarımında barlıq kategoriyadaǵı xojalıqlar tárepinen 56,3 mıń tonna júzim jetistirilgen. Bul kórsetkish ótken jıldıń usı dáwirine salıstırǵanda 7,8 procentke ósken. Aymaqlar kesiminde jetistirilgen júzimniń kólemi tómendegishe: Surxandárya wálayatı – 15,6 mıń tonna, Namangan wálayatı – 8 mıń tonna, Qashqadárya wálayatı – 8 mıń tonna, Buxara wálayatı – 6,7 mıń tonna, Samarqand wálayatı – 4,9 mıń tonna, Ferǵana wálayatı – 3 mıń tonna, Nawayı wálayatı – 2,9 mıń tonna, Ándijan wálayatı – 2,4 mıń tonna, Tashkent wálayatı – 1,4 mıń tonna, Xorezm wálayatı 1,4 mıń tonna, Sırdárya wálayatı – 0,9 mıń tonna, Jizzaq wálayatı – 0,7 mıń tonna hám Qaraqalpaqstan Respublikasında 0,4 mıń tonna júzim jetistirilgen.
Aymaqlar kesiminde jetistirilgen júzimler muǵdarındaǵı ayırmashılıqlar, bárinen burın, sol aymaqtıń agrar imkaniyatları hám klimat sharayatlarına barıp taqaladı. Júzim jetistiriw boyınsha ortasha hawa-rayı hám bul tarawda baǵmanlardıń tájiriybeleri arqalı bir neshe aymaqlarda júzim jetistiriw boyınsha úlken ósiwler atap ótildi.
Elimizde baǵshılıqtı rawajlandırıw hám eksport potencialın arttırıwǵa tiykarǵı wazıypa sıpatında qaralmaqta. Ásirese, júzim jetistiriw, júzim atızların kóbeytiw hám olardı qayta islew, suwǵarıwda jańa texnologiyalardı engiziwge úlken itibar qaratılmaqta. Bul baǵdardaǵı jumıslar óz nátiyjesin berip, ónim kóleminde jıldan-jılǵa ósiw baqlanbaqta. Házir tek ǵana miynetkesh diyqan hám fermerlerimiz emes, al jer jayda jasaytuǵın kóplegen shańaraqlar da usı miywe túrin jetistirmekte.

Dildora DWSMATOVA,
ÓzAnıń xabarshısı