Senattıń jalpı májilisinde “Mámleketlik sociallıq qamsızlandırıw haqqında”ǵı nızam kórip shıǵıldı.

Nızam xalıqtıń sociallıq qorǵalıwın bunnan bılay da kúsheytiw maqsetinde islep shıǵılǵanı atap ótildi. Onda mámleketlik sociallıq qamsızlandırıwdıń ámel etiwi, qamsızlandırıw hádiysesi, qamsızlandırılǵan shaxs, qamsızlandırıwshı, qamsızlandırıwshınıń huqıq hám minnetlemeleri bekkemlengen.
Nızamda mámleketlik sociallıq qamsızlandırıw qarjılarınıń dárekleri, qamsızlandırıw tólemi stavkası, qamsızlandırıw tólemlerin tólewshiler, mámleketlik sociallıq qamsızlandırıwdıń finanslıq turaqlılıǵınıń mámleketlik kepillikleri, mámleketlik sociallıq qamsızlandırıw boyınsha tólemlerdi tayınlaw hám ámelge asırıw sıyaqlı bir qatar máseleler názerde tutılǵan.
Senator Husan Ermatov bul nızamnıń ayırım normaların qayta kórip shıǵıw hám nızamshılıq hújjetlerine muwapıqlastırıw zárúrligine itibar qarattı. Atap aytqanda, nızamda wákillikli uyımnıń wákillikleri hám wazıypaları ashıp berilmegen.
Nızamda onnan aslam silteme normalardıń bar ekenligine itibar berildi. Bul bolsa nızamnıń tikkeley ámel etiwine unamsız tásir kórsetiwine alıp keletuǵını atap ótildi. Nızam qabıl etiliwi nátiyjesinde ámeldegi nızamlarǵa ózgerisler kirgiziw máselesi nızamda názerde tutılmaǵan.
Senatorlar bul kemshiliklerdi saplastırıw zárúrligi haqqında óz usınısların bildirdi. Dodalaw nátiyjeleri boyınsha nızam senatorlar tárepinen biykar etildi.

N.Abduraimova, ÓzA