Ministrler Kabinetiniń usı jıldıń 29-avgusttaǵı qararı menen “Awıl xojalıǵı texnikası hám lazerli qurılmaǵa iye avtomatlastırılǵan jer tegislewshi agregatı bahasınıń bir bólegin qaplaw ushın subsidiya ajıratıwdı sanlastırıw tártibi haqqında”ǵı reje tastıyıqlandı.

Reje awıl xojalıǵı texnikası hám lazerli qurılmaǵa iye avtomatlastırılǵan jer tegislewshi agregatı bahasınıń bir bólegin qaplaw ushın “Subsidiya.mf.uz” málimleme portalı arqalı subsidiya ajıratıw hám onnan nátiyjeli paydalanıwdı qadaǵalaw tártibin belgileydi.
Rejege bola, qarıydar subsidiya alıwǵa arza beriw ushın “Subsidiya.mf.uz” málimleme portalında Birden-bir identifikaciya sisteması (One ID) yamasa elektron sanlı qoltańba (ERI) arqalı dizimnen ótedi.
Awıl xojalıǵın mámleket tárepinen qollap-quwatlaw qorında subsidiya ajıratıwdı kórip shıǵatuǵın komissiya dúziledi.
Komissiya “Subsidiya.mf.uz” málimleme portalı arqalı kelip túsken arza hám oǵan qosımsha etilgen hújjetlerdi 5 jumıs kúninde úyrenip shıǵadı.
Qarıydar “Subsidiya.mf.uz” málimleme portalı arqalı ózine subsidiya ajıratıw maqullanǵanı yamasa biykarlanǵanı haqqında maǵlıwmatqa iye bolıwı múmkin.
Maǵlıwmat ornında aytıw kerek, subsidiya – belgilengen texnikanı satıp alǵan qarıydardıń arzasına muwapıq awıl xojalıǵı texnikası bahasınıń 15 procenti, lazerli jer tegislewshi agregatı bahasınıń 30 procentin qaplaw ushın ajıratılatuǵın qarjı bolıp esaplanadı.

ÓzA