Izrail mámlekettiń oraylıq bólegindegi “Palmaxim” áskeriy bazasınan “Ofek 19” radiolokaciyalıq razvedka joldasın ushırdı, dep jazǵan “Jerusalem Post” mámleket Qorǵanıw ministrligine súyenip.

– Jasalma joldas Qorǵanıw ministrligi, Izrail qorǵanıw kúshleri hám “Israel Aerospace Industries” qorǵanıw kompaniyası menen birgelikte ushırıldı, – delingen gazeta xabarında.
Basılımnıń atap ótiwinshe, aldınnan járiyalanbaǵan bul waqıya ayırım aymaqlarda hawlıqpa oyatqan. Yaǵnıy, xalıq raketa ushırılǵanınan qáweterlengen.
“Ofek 19” hár qanday hawa-rayı sharayatında joqarı anıqlıqta súwretke alıwǵa mólsherlengen zamanagóy radar razvedka jasalma joldası bolıp esaplanadı. Jerge jaqın orbitaǵa shıqqannan keyin, qurılmanıń islewi hám paydalanıwǵa tayarlıǵın tekseriw maqsetinde bir qatar sınaqlar ótkeriledi.

S.Rahimov, ÓzA