Pekin qalasında Ózbekstan Respublikası Prezidenti Shavkat Mirziyoev hám Rossiya Federaciyası Prezidenti Vladimir Putinniń ushırasıwı bolıp ótti.

Sóylesiw aldında Rossiya jetekshisi mámleketimiz basshısı hám Ózbekstannıń kóp milletli xalqın Ǵárezsizlik kúni menen qızǵın qutlıqlap, abadanlıq, turaqlı rawajlanıw hám tınıshlıq tiledi.
Aldınraq bolıp ótken joqarı dárejedegi sóylesiwler waqtında erisilgen kelisimlerdi ámelge asırıw kózqarasınan Ózbekstan-Rossiya keń kólemli strategiyalıq sheriklik hám awqamlaslıq qatnasıqların jáne de keńeytiw hám bekkemlew máseleleri kórip shıǵıldı.
Sawda-ekonomikalıq hám investiciyalıq birge islesiw pátin saqlap qalıwǵa qaratılǵan muwapıqlastırılǵan ilajlardı qabıl etiw áhmiyetli ekeni atap ótildi.
Ekonomikanıń tiykarǵı tarmaqlarında joybarlardı tayarlaw hám ámelge asırıwdı jedellestiriw, aymaqlar arasında hám shólkemlestirilgen birgeliktegi sanaat parkleri sheńberinde kooperaciya qatnasıqların xoshametlewge ayrıqsha itibar qaratıldı.
Gumanitar tarawda, bárinen burın, mádeniyat, kórkem óner, ilim hám bilimlendiriw baǵdarlarında nátiyjeli birge islesip atırǵanı úlken qanaatlanıwshılıq penen atap ótildi.
Ózbekstan hám Rossiya jetekshileri xalıqaralıq áhmiyetke iye máseleler boyınsha da pikir alıstı.

ÓzA