2025-jıl 29-avgustta «Baslamalı byudjet processlerin jetilistiriw sheńberinde xalıq wákilleri hám saylawshılar arasında birge islesiwdi kúsheytiw ilajları haqqında»ǵı Prezident qararı qabıl etildi.

Ádillik ministrliginen xabar beriwinshe, qararǵa muwapıq, Nızamshılıq palatasında “Baslamalı byudjet” processlerin muwapıqlastırıw, joybarlardıń ámelge asırılıwı ústinen parlamentlik qadaǵalawdı alıp barıw ushın 11 deputattan ibarat parlamentlik komissiya shólkemlestiriledi.
2026-jıl 1-yanvardan deputatlar hár jılı “Baslamalı byudjet” processlerinde tiyisli saylaw okruglerinde jeńimpaz bolmaǵan joybarlar arasınan xalıqtıń kúndelikli turmısı hám aymaqtıń rawajlanıwına tásir etetuǵın eki joybardı (hár máwsimde birewden) “Ashıq byudjet” málimleme portalında tańlaydı.
Bul tańlaw joybardı respublikalıq byudjetten qarjılandırıw ushın tiykar bolıp esaplanadı.
Bul processlerde jeńimpaz bolmaǵan joybarlardı qarjılandırıw ushın hár bir deputatqa 1 jılda 2 máwsimge BEMniń 8 mıń esesi muǵdarında qarjı hár jıllıq respublikalıq byudjette názerde tutıladı.
2026-jıl 1-fevraldan “Baslamalı byudjet” processlerinde sociallıq áhmiyetke iye joybarlardı xalıq hám mámleket arasında sheriklik tiykarında qarjılandırıw ámeliyatı engiziledi.
Intaker xalıq tárepinen joybarlar bahasınıń 50 procenti ıqtıyarlı túrde qarjılandırılǵanda joybarlar jeńimpaz dep tabıladı hám qalǵan 50 procenti respublikalıq byudjetten qarjılandırıladı.

N.Abduraimova,
ÓzA