AQSh Prezidenti Donald Tramp densawlıǵında awır mashqala payda bolǵanı haqqında xabar tarqalıwı múnásibeti menen sociallıq tarmaq beti arqalı házirgi waqıtta ózin hár qashanǵıdan jaqsı sezip atırǵanın ayttı.

– Ómirim dawamında hesh qashan ózimdi bunshelli jaqsı sezbegenmen, – dep jazǵan ol.
Bizge belgili, shembi kúni azanda Batıs sociallıq media minberlerinde Amerika jetekshisiniń itimallı ólimi haqqında gáp tarqaldı.
Oǵan vice-prezident Jey Di Venstiń “79 jasar basshısına bir nárse bolsa, mámleket basshısı wazıypasın atqarıwǵa tayar ekenligi” atap ótilgen sózleri sebep boldı.
Keyinirek “Axios” jurnalisti Barak Ravid Aq úydegi joqarı mártebeli rásmiydiń bildiriwine súyenip, Tramptıń densawlıǵı jaqsı ekenin jazdı.

ÓzA