Búgingi kúnde málimleme maydanında reklama jámiyettiń ajıralmas bólegine aylandı. Ol ónim hám xızmetlerdiń bazarda tanılıwı, báseki ortalıǵınıń rawajlanıwı ushın xızmet etedi. Biraq reklama arqalı puqaralardıń huqıqları, informaciyaǵa bolǵan isenimi yamasa mámleketlik ilajlardıń áhmiyeti buzılmawı da oǵada áhmiyetli.

Puqaralardan kelip túsken Televidenie hám radiodaǵı reklamalarda neler qadaǵan etiledi?
Temaǵa baylanıslı sorawǵa Báseki komitetiniń bólim baslıǵı Sherzod Mahamadaliev juwap berdi:
– Televidenie hám radiodaǵı reklama talapları Ózbekstan Respublikasınıń 2022-jıldaǵı “Reklama haqqında”ǵı Nızamınıń 27-28-statyalarında belgilep qoyılǵan.
Televidenie kórsetiwlerinde beriletuǵın reklamalarda reklama jaylastırıw maqsetinde mámleketlik ilajlar hám máresimlerdiń kórsetiliwin úzip qoyıw, reklama hám reklama haqqındaǵı anons, sonıń ishinde, telebaǵdarlama anonsınıń dawıs dárejesin reklama hám reklama haqqındaǵı anons penen úzip qoyılǵan telebaǵdarlama hám telekórsetiw dawısına salıstırǵanda bálentlew etip belgilew, buǵan telekórsetiwler kórsetilip atırǵanda reklama maqsetlerinde háreketleniwshi qatardan paydalanıw, reklama blogi waqtında paydalanıw kirmeydi.
Telekórsetiwlerge videoplastinkalardı jaylastırıw (telekórsetiw kórsetiliwi waqtında kórinip qalatuǵın kommerciyalıq málimlemeni), buǵan reklamanıń ózin, sonday-aq, reklama huqıqı tiykarında efirge shıǵarılatuǵın kórsetiwdi kórsetiw waqtı kirmeydi.
Onda videoplastinkalar ólshemi ekran maydanınıń on procentinen aspawı hám onıń tómengi bóliminde gorizontal jaǵdayda jaylastırılǵan bolıwı kerek.
Birinshi hám ekinshi bólimleriniń talapları:
– tiyisli telekanalda kórsetilip atırǵan telekórsetiwler haqqındaǵı telebaǵdarlamalarda jaylastırılatuǵın málimlemege;
– telebaǵdarlamanıń logotipine hám usı telebaǵdarlama haqqındaǵı maǵlıwmatqa qollanılmaydı.
Radiodaǵı esittiriwlerde beriletuǵın reklamalarda tómendegi tıyımlar belgilengen:
Radioda tarqatılıp atırǵan reklamanıń, radiobaǵdarlamalardı reklama menen úzip qoyıwdıń ulıwma dawamlılıǵı esittiriw waqtınıń bir saatı dawamında jigirma procentten, biraq bir sutkada esittiriw waqtınıń on bes procentinen artıwı múmkin emes. Bul talap esittiriwleri tek ǵana reklama radiobaǵdarlamalarına qánigelesken radiokanallarǵa qollanılmaydı.
Tómendegiler qadaǵan etiledi:
– reklama ornalastırıw maqsetinde mámleketlik ilajlar hám máresimlerdiń kórsetiliwin úzip qoyıw;
– reklama hám onıń anonsı, sonıń ishinde, radioesittiriwler haqqındaǵı anons dawısınıń bálentlik dárejesin reklama hám radioesittiriwler reklaması haqqındaǵı anons penen úzilip qoyılǵan esittiriw dawısına salıstırǵanda bálentirek etip belgilew.
Reklama – ekonomikanıń qan tamırı, biraq onıń óz talapları bar. Nızamshılıqtaǵı bul talaplar arqalı bir tárepten isbilermenlik ushın imkaniyat jaratıladı, ekinshi tárepten bolsa tamashagóy hám tıńlawshılardıń mápleri qorǵaladı.

ÓzA