“Quyashta M kategoriyalı jarılıw baqlanıwı dawam etpekte. Bunday hádiyse aqırǵı márte eki ay burın baqlanǵan. Bul juwmaq Rossiya Ilimler akademiyası Kosmoslıq izertlew institutı Quyash astronomiyası laboratoriyasınıń esabatında keltirilgen.

– Quyashta jańa kúshli jarılıw baqlandı, – delinedi Laboratoriya óziniń sociallıq tarmaqtaǵı betinde tarqatqan xabarda. – Qabıl etilgen rentgen shkalası boyınsha ólshengen hádiyse M4.52 ball menen bahalanǵan. Keyinirek dizimge alınǵan M4.56 jarılıwı usı jıldıń 20-iyuninen berli eń irisi boldı. Usı tárizde, ilimpazlardıń pikirinshe, eki aylıq rekord tákirarlanǵan.
Jaqın arada juldızımızda bunnan da kúshli waqıyalar júz beriwi itimalı joqarı, dep anıqlıq kirgizilgen jaǵdayǵa. Bir túnde Quyash ádewir belsendi bolıp, házirgi tendenciyaǵa tiykarlanıp, 24 saat ishinde eń joqarı X dárejesinen ótip ketiwi múmkin, delingen esabatta.
Qánigeler Quyash-Jer sızıǵınan 50 gradus aralıqta jaylasqan eń belsendi quyash orayları kún dawamında Jer baǵdarına shama menen 15 gradusqa jaqınlasqanın atap ótpekte. Bunday jıljıw qáwipsiz esaplansa da, qáwetersiz dep bolmaydı. Yaǵnıy, belgili bir qáwipsizlik shegarasına shekem barılǵan. Sol sebepli tez arada Jerdegi magnit boranınıń global boljawı ózgeriwi múmkin.
– Tiykarǵı qızıǵıwshılıq elege shekem Quyashtaǵı jarılıw energiyası rezervine baylanıslı bolıp qalmaqta, – dep qosımsha etilgen esabatta. – Baqlanǵan jedel process bes kún aldın, Jerge jetip kelgen daq toparı ele uzaqta bolǵan waqıtta baslanǵan. Bes kúnlik úzliksiz jarılıw ushın misli kórilmegen quwat jumsalıwı kerek edi hám Quyashta jarılıw belgileri kóriniwi múmkin edi. Demek, bunday jaǵday ele júz bermegen.
Sheshiwshi kún sıpatında boljanıp atırǵan sánede kún dawamında jalın aktivligi tómenlese, hápteniń ekinshi yarımında, daq toparı Quyash-Jer sızıǵına jaqınlasqanda juldız tınıshlanıwı múmkin. Bolmasa, sárshembi-piyshembiden baslap Jerge tásir, derlik, sózsiz boladı.

S.Rahimov, ÓzA