Germaniya Kancleri Fridrix Merc Rossiya Prezidenti Vladimir Putin hám Ukraina jetekshisi Vladimir Zelenskiy jaqın arada ushıraspasa, “top jáne evropalılar hám amerikalıqlarda qalatuǵının” hám Rossiya Federaciyasına qarsı sankciya kúsheytiletuǵının atap ótti. Bul pikir Kanada Bas ministri Mark Karni qatnasıwındaǵı birgeliktegi baspasóz ánjumanında aytıldı. Bul ilajdıń translyaciyası Germaniya húkimeti betinde kórsetilgen.

– Birgelikte eki hápte ishinde Zelenskiy hám Putinniń ushırasıwına úmit bildirdik. Bul ushırasıw, kelisilgenindey tezirek ótkerilmese, top jáne bizde qaladı – evropalılar hám amerikalılardı názerde tutıp atırman. Keyin bul boyınsha jáne másláhátlesemiz. Eger Rossiya tárepi sóylesiw ornına barmasa, jáne de kóbirek basım talap etiledi. Evropa Awqamı keyingi sankciya rejesin dúzip atır. Amerika Prezidenti de qosımsha jaza bajısı engiziliwin biykarlamadı. Evropa hám Qurama Shtatlar Ukraina menen birgelikte itimallı qáwipsizlik kepilligin islep shıqpaqta. Birinshi maqset – Ukraina armiyasınıń uzaq múddet mámleketti qorǵay alıwın támiyinlew.
Esletip ótemiz, ótken háptede Tramp Aq úyde Zelenskiy hám Evropa Awqamı jetekshilerin qabılladı. Aldın ol Putin hám Zelenskiy menen úsh tárepleme ushırasıw ótkeriw imkaniyatı bul sóylesiwdiń tabıslı bolıwına baylanıslı ekenin biykarlamaǵan edi.

S.Rahimov, ÓzA