Qosımsha mámleketlik grant hám joqarı bilimlendiriw shólkemi grantınıń nátiyjeleri qashan járiyalanatuǵını aytıldı. Bul haqqında “Tálim qadaǵalawı” Telegram-kanalı maǵlıwmat berdi.

Onda aytılıwınsha, mámleketlik joqarı bilimlendiriw shólkemleriniń bakalavriat tálim baǵdarlarına oqıwǵa kirip, belgili bir oqıw jılı boyınsha GPA kórsetkishi 4 hám onnan joqarı bolǵan studentlerge gezektegi oqıw jılı ushın qosımsha mámleketlik grant beriledi.
Belgilengen rejege bola, talabanlar óz arzaları menen hár jılı 20-iyulǵa shekem joqarı bilimlendiriw shólkeminiń rásmiy veb-saytı arqalı dizimnen ótedi. Arnawlı komissiya tárepinen talabanlardıń maǵlıwmatları kórip shıǵılǵannan soń, qosımsha mámleketlik grant usınılǵan studentler hár jılı 5-sentyabrge shekem joqarı bilimlendiriw shólkemi tárepinen xabardar etiledi.
Bunnan tısqarı, húkimet qararı menen finanslıq erkinlik berilgen joqarı bilimlendiriw shólkeminde GPA kórsetkishi 3,3 ten 4 ke shekem bolǵan belgilengen kategoriyadaǵı studentlerge gezektegi oqıw jılı ushın joqarı bilimlendiriw shólkemi grantı beriliwi belgilengen.
Finanslıq erkinlik berilgen joqarı bilimlendiriw shólkemleri hár jılı ózleriniń byudjetten tısqarı qarjıları esabınan 1 milliard sumǵa shekemgi muǵdarda joqarı bilimlendiriw shólkeminiń grantın usınadı.
Onda joqarı bilimlendiriw shólkemi grantı usınılǵan studenttiń GPA kórsetkishi:
3.3-3.39 bolǵanda – tólemli-kontrakt summasınıń 20 procenti;
3.4-3.49 bolǵanda – tólemli-kontrakt summasınıń 30 procenti;
3,5-3,59 bolǵanda – tólemli-kontrakt summasınıń 40 procenti;
3,6-3,69 bolǵanda – tólemli-kontrakt summasınıń 50 procenti;
3,7-3,79 bolǵanda – tólemli-kontrakt summasınıń 60 procenti;
3,8-3,89 bolǵanda – tólemli-kontrakt summasınıń 70 procenti;
3,9-3,99 bolǵanda – tólemli-kontrakt summasınıń 80 procenti muǵdarındaǵı bólegi usı joqarı bilimlendiriw shólkeminiń byudjetten tısqarı qarjıları esabınan qaplap beriledi.
Talabanlar óz arzaları menen hár jılı 20-iyulǵa shekem joqarı bilimlendiriw shólkeminiń rásmiy veb-saytı arqalı dizimnen ótedi. Nátiyjeler bolsa hár jılı 5-sentyabrge shekem járiyalanadı.

Qaraqalpaqstan xabar agentligi