Ózbekstan Respublikası Ǵárezsizliginiń 34 jıllıǵı múnásibeti menen mámleketimizde ishki turizmdi rawajlandırıw, xalıqtıń turizm xızmetlerinen keńnen paydalanıwdı támiyinlew, sonday-aq, watanlaslarımızǵa qosımsha qolaylıqlar jaratıw maqsetinde bir qatar jeńillikler engizilmekte.

Sonıń ishinde, turizm tarawındaǵı isbilermenlik subektleri tárepinen respublika boylap jumıs islep atırǵan jaylastırıw quralları (miymanlar, miymanxanalar, xostellar) hám «Vaqf» qayırqomlıq fondı hám Mádeniy miyras agentligindegi mádeniy miyras abektlerine kiriw biletlerine 20 procentke shekem shegirmeler engiziledi.
Bul shegirmeler Ǵárezsizlik bayramı múnásibeti menen engizilgen bolıp, olardıń tiykarǵı maqseti – puqaralarımızdı elimizdiń tariyxıy, mádeniy hám tábiyǵıy baylıqları menen tanıstırıw, ishki turizm potencialın jáne de arttırıwdan ibarat.
Shegirmeler tómendegi baǵdarlardı qamtıp aladı:
– Mádeniy miyras obektleri, muzeyler hám esteliklerge kiriw biletleri;
– Jaylastırıw qurallarında xızmet bahalarına;
– Ayırım ekskursiya hám sayaxat xızmetlerine.
Házirgi waqıtta, turizm tarawınıń wákilleri hám jergilikli hákimlikler menen birgelikte túrli mádeniy-kewilashar ilajlar, ishki turizm yarmarkaları hám bayram akciyaların shólkemlestiriw boyınsha da jumıslar alıp barılmaqta.

Qaraqalpaqstan xabar agentligi