Awıl xojalıǵı – Ózbekstan ekonomikasınıń tiykarǵı tarmaqlarınan biri bolıp, ovoщ jetistiriw tarawı bul baǵdarda ayrıqsha áhmiyetke iye. Xalıqtıń azıq-awqat qáwipsizligin támiyinlew, eksport potencialın arttırıw hám jergilikli bazardı tolıqtırıwda ovoщ ónimlerin jetistiriw áhmiyetli orın iyeleydi.

Milliy statistika komitetiniń maǵlıwmatlarına bola, 2025-jıldıń yanvar-iyun aylarında respublikadaǵı barlıq kategoriyadaǵı xojalıqlar tárepinen 3,8 million tonna ovoщ jetistirilgen. Bul kórsetkish jıldan-jılǵa artıp baratırǵanı agrar tarawdıń rawajlanıwın belgileydi.
Aymaqlar kesiminde jetistirilgen ovoщ eginleriniń kólemi tómendegishe: Surxandárya wálayatı – 719,7 mıń tonna, Ándijan wálayatı – 670,7 mıń tonna, Ferǵana wálayatı – 511,8 mıń tonna, Tashkent wálayatı – 375 mıń tonna, Samarqand wálayatı – 340,8 mıń tonna, Namangan wálayatı – 297,7 mıń tonna, Buxara wálayatı – 291,4 mıń tonna, Qashqadárya wálayatı – 205 mıń tonna, Xorezm wálayatı – 126,8 tonna, Sırdárya wálayatı – 85,5 mıń tonna, Nawayı wálayatı – 76,4 mıń tonna, Jizzaq wálayatı – 63,9 mıń tonna, Qaraqalpaqstan Respublikası – 59,9 mıń tonna.
2025-jıldıń birinshi yarım jıllıǵı juwmaqlarına bola, Ózbekstanda ovoщ jetistiriw turaqlı ósiwde dawam etpekte. Surxandárya, Ándijan hám Ferǵana wálayatları mámlekettiń ovoщ jetistiriw boyınsha tiykarǵı tayanısh aymaqlarına aylanǵan. Bul aymaqlar tek ǵana ishki bazardı emes, al eksporttı da jeterli dárejede támiyinlew imkaniyatına iye. Sonıń menen birge, basqa wálayatlarda da tarawǵa itibardı kúsheytiw arqalı ónimdarlıqtı arttırıw, jańa agrotexnologiyalardı engiziw hám azıq-awqat qáwipsizligin bekkemlew zárúr.

Dildora DWSMATOVA.
ÓzA