Ózbekstan Respublikası Prezidenti Shavkat Mirziyoevtiń mirát etiwine bola Iordaniya Patshası Abdulla II ibn al-Husayn mámleketlik saparı menen mámleketimizde bolıp turıptı.

Búgin, 26-avgust kúni Samarqand qalasında sapardıń tiykarǵı ilajları Iordaniya basshısın rásmiy kútip alıw máresiminen baslandı.
Kongress orayı imaratı aldındaǵı maydanda húrmetli qarawıl sap tarttı. Ózbekstan Prezidenti joqarı mártebeli miymandı qızǵın kútip alıp, minberge mirát etti.
Áskeriy orkestr eki mámlekettiń mámleketlik gimnlerin atqardı.
Ózbekstan Prezidenti hám Iordaniya Patshası húrmetli qarawıldıń aldınan ótip, rásmiy delegaciya aǵzaların qutlıqladı.

Qaraqalpaqstan xabar agentligi