Rossiya rublinde operaciya ótkeriwge ruxsat alǵan Qırǵızstan bankleri Batıs mámleketleriniń sankciyalıq basımına ushıradı. Bul haqqında Prezident Sadir Japarov “Kabar” agentligine bergen intervyuinde málim etken.

Mámleket basshısınıń sózlerine bola, qáwipti imkaniyat dárejesinde azaytıw ushın rásmiyler bir mákeme – mámleketke qaraslı “Keremet” banki mısalında rubl arqalı esap-sanaqtı oraylastırıwǵa qarar etti.
– Mámlekette 21 bank jumıs alıp barmaqta, – dedi Japarov. – Jeke menshik bankler sankciya tásirine túsip qalıwınıń aldın alıw ushın Rossiya rubli menen tek ǵana mámleketke qaraslı “Keremet” banki isleydi, degen qararǵa keldik. Hár qanday operaciya mámlekettiń qadaǵalawı astında ámelge asırılıp, payda byudjetke túsedi.

S.Rahimov, ÓzA