Ózbekstan Respublikası Prezidentiniń pármanı

Watanımız ǵárezsizligin bekkemlew, Jańa Ózbekstandı qurıw jolında ámelge asırılıp atırǵan reformalarǵa qosqan múnásip úlesi, óziniń jarqın talantı, keń kólemli ilimiy-dóretiwshilik hám ámeliy jumısı menen xalqımızdıń intellektuallıq potencialın hám mánawiyatın arttırıw, elimizde ilim, bilimlendiriw, densawlıqtı saqlaw, sport, ádebiyat, mádeniyat hám kórkem óner tarawları, ǵalaba xabar quralların rawajlandırıw, jas áwladtı ana watanǵa muhabbat, ulıwmainsanıylıq qádiriyatlarǵa húrmet ruwxında salamat hám bárkamal etip tárbiyalaw jolındaǵı kóp jıllıq nátiyjeli xızmetleri jáne jámietlik turmısta belsene qatnasqanı ushın tómendegiler húrmetli ataq, orden hám medal lar menen sıylıqlansın:
Qaraqalpaqstan Respublikası boyınsha:
«Ózbekstan Respublikası xalıq xudojnigi» húrmetli ataǵı menen
Baybosinov Sarsenbay Bazarbaevich – J.Izentaev atındaǵı Qaraqalpaqstan Respublikası qánigelestirilgen kórkem óner mektep-internatınıń reńli súwretlew páni oqıtıwshısı
«Ózbekstan Respublikası xalıq shayırı» húrmetli ataǵı menen
Genjemuratov Baxtiyar Allambergenovich – Ózbekstan Jazıwshılar awqamınıń aǵzası, shayır, dilmash
“Dwstlik” ordeni menen
Arzuova Nabiyra – Ózbekstan Jazıwshılar awqamınıń aǵzası, shayır.
Qudainazarov Amangeldi Aydarbekovich – Qaraqalpaq mámleketlik jas tamashagóyler teatrınıń saxnalastırıwshı rejissyorı
“Kelajak bunyodkori” medalı menen
Sarsenbaeva Inkar Alpısbaevna – Qaraqalpaq mámleketlik jas tamashagóyler teatrı aktrisası

Ózbekstan Respublikası
Prezident Sh.MIRZIYoEV
Tashkent qalası,
2025-jıl 23-avgust