«Ózbekstan Respublikası Prezidentiniń isbilermenler menen V ashıqtan-ashıq sóylesiwinde belgilengen wazıypalardı ámelge asırıw ilajları haqqında»ǵı Prezident pármanına muwapıq, 2026-jıl 1-yanvardan aylanıstan alınatuǵın salıq tóleminen birinshi márte QQS tólemine ótken isbilermenlerge tómendegi xoshametlew ilajları qollanıladı:

– 1 jıl dawamında payda salıǵın tólewden azat etiw;
– 1 jıl dawmaında QQS tólewshisi sıpatında salıq uyımlarında esapqa qoyıw tártibin buzǵanı ushın qarjılay járiyma qollanbaw;
– 6 ay dawamında buxgalteriya xızmetleri qárejetleriniń hár ayda miynetke haqı tólew eń az muǵdarınıń 3,5 esesinen artpaǵan bólegin tólep atırǵan salıq tólemleri esabınan alıp taslaw.
2026-jıl 1-yanvardan salıq minnetlemelerin orınlawdıń tómendegi proaktiv tártibi engiziledi:
– yuridikalıq táreplerden alınatuǵın múl salıǵı hám jer salıǵı, fizikalıq táreplerden alınatuǵın dáramat salıǵı hám sociallıq salıq boyınsha salıq esabatların qáliplestiriw wazıypası salıq uyımlarına ótkeriledi hám bul minnetleme salıq tólewshiler ushın biykar etiledi;
– salıq uyımları tárepinen qáliplestirilgen salıq esabatlarına salıq tólewshi tárepinen 5 jumıs kúninde zárúr dúzetiwlerdi kirgiziw hám dúzetiw kirgizilgen salıq esabatın usınıs etiw huqıqı beriledi.

Qaraqalpaqstan xabar agentligi