“Adolat” SDP Siyasiy Keńesiniń gezektegi XVI Plenumı bolıp ótti. Plenumda 2025-jıldıń ótken 6 ayında erisilgen nátiyjeler hám kemshilikler hár tárepleme talqılanıp, aldaǵı wazıypalar belgilep alındı.

Plenumǵa partiyanıń Qaraqalpaqstan Respublikası Keńesiniń xızmetkerleri hám belsendileri ZOOM platforması arqalı onlayn tárizde qatnastı.
Kún tártibindegi 1-másele boyınsha partiyanıń Qaraqalpaqstan Respublikası Keńesiniń baslıǵı N.Qayıpbergenovtıń esabatı tıńlandı.
N.Qayıpbergenov alıp barılǵan jumıslarǵa toqtap ótip, dáslepki altı ayda jámi 1286 ilaj ótkerilip, 28536 puqara qamtıp alınǵanlıǵın, atap aytqanda, “Salamat turmıs tárizi jolında birleseyik” joybarı sheńberinde 61 márte ushırasıwlar ótkerilgenin hám 981 hayal-qızlardıń qatnasqanlıǵın atap ótti.
Esap beriw dáwirinde 103 máhálledegi 1541 shańaraq hám 98 xojalıq júrgiziwshi subektke barılıp, ushırasıwlar dawamında xalıqtan 128 múrájat kelip túsken. Olar boyınsha juwapkerlerge 53 deputatlıq soraw jiberilip, 42 si unamlı sheshimin tapqan. Bunnan tısqarı, 75 múrájat iyesine ornında huqıqıy másláhátler berilgen.

Qaraqalpaqstan xabar agentligi