Házirgi waqıtta rayonlarda taraw basshıları hám qánigeleriniń qatnasıwında aldaǵı paxta jıyın-terimine hám gúzlik biyday egisine tayarlıq jumısların dodalawǵa baǵıshlanǵan májilisler ótkerilmekte.

Shımbay rayonı hákimliginde Qaraqalpaqstan Respublikası Ministrler Keńesi Baslıǵınıń orınbasarı Sh.Teshaevtıń basshılıǵında awıl xojalıǵı jumıslarınıń barısına baǵıshlanǵan májilis bolıp ótti.
Onda rayondaǵı fermer xojalıqlarınıń basshıları hám taraw juwapkerleri qatnastı.
Májiliste gúzgi biyday egisine tayarlıq, jerlerdiń shorın juwıw hám suwǵarıw sıyaqlı áhmiyetli máseleler kórip shıǵıldı.
Sonday-aq, paxta terimi máwsimine tayarlıq, qabıllaw punktlerin tayar jaǵdayǵa keltiriw hám texnikalardı ońlaw máselelerine de itibar qaratıldı. Fermerler ózlerin qızıqtırǵan sorawlarǵa juwap aldı hám aldaǵı wazıypalar belgilep alındı.

Qaraqalpaqstan xabar agentligi