Ózbekstan Respublikası Prezidenti Shavkat Mirziyoev Túrkmen xalqınıń milliy jetekshisi, Túrkmenstan Xalıq Másláháti Baslıǵı Gurbanguli Berdimuhamedovtıń mirát etiwine bola 22-avgust kúni “Ázerbayjan – Túrkmenstan – Ózbekstan” formatındaǵı úsh tárepleme sammitte qatnasıw ushın ámeliy sapar menen usı mámlekette boladı.

“Avaza” milliy turizm zonasında bolıp ótetuǵın ilajdıń kún tártibine muwapıq, kóp tárepleme birge islesiwdi, bárinen burın, sawda-ekonomikalıq, transport-kommunikaciya, energetika hám gumanitarlıq tarawlarda rawajlandırıw máseleleri kórip shıǵıladı. Bir qatar birgeliktegi hújjetlerge qol qoyılıwı názerde tutılǵan.
Mámleketimiz basshısı sammit sheńberinde eki tárepleme sóylesiwler de ótkeredi.

ÓzA