Húkimettiń bıyıl 20-avgusttaǵı 522-sanlı qararı menen “Fizikalıq tárepler haqqındaǵı maǵlıwmatlardı Kredit kelisimin dúziw qadaǵan etilgen shaxslar reestrine kirgiziw yamasa usı reestrden shıǵarıw tártibi haqqında”ǵı reje tastıyıqlandı.

Rejege bola, maǵlıwmatlardı usı reestrge kirgiziw yamasa shıǵarıw boyınsha arzalar BIMXP (my.gov.uz), mámleketlik xızmetler orayları yamasa kredit byuroları arqalı beriledi.
Arza beriwshi ózi kelip, kredit byurosına jazba múrájat etkende, arza beriwshige QR-kod qoyılǵan maǵlıwmatnama beriledi.
Mámleketlik xızmetler orayları xızmettiń nátiyjesin ol kelip túskennen soń 10 minut ishinde arza beriwshiniń elektron mánziline jiberedi hám arza beriwshini bul haqqında málimleme-kommunikaciya sisteması arqalı xabardar etedi.
Kredit kelisimin dúziwdi qadaǵan etiw yamasa qadaǵan etiwdi alıp taslaw haqqındaǵı arza jiberilgen sáne hám waqıt, qadaǵan etiw belgilengen yamasa alıp taslanǵan sáne hám qadaǵan etiw shártleri haqqındaǵı maǵlıwmatlar shaxslardıń kredit tariyxında kórsetip barıladı.
Mámleketlik xızmetler orayları hám kredit byuroları alınǵan maǵlıwmatlardıń sır saqlanıwın támiyinleydi,-dep málimleme beredi xabar.uz saytı.

Qaraqalpaqstan xabar agentligi