Qatar Mámleketiniń “QNA”  málimleme agentligi Ózbekstan qorshaǵan ortalıqtı qorǵaw hám klimat ózgeriwi ministriniń birinshi orınbasarı Obidjon Qudratov hám Qatar Qorshaǵan ortalıq hám klimat ózgeriwi ministriniń orınbasarı Abdulaziz Ahmad Abdullah Ol Mahmud arasında bolıp ótken nátiyjeli ushırasıw haqqında  jazıp shıqtı.

Maqalada qorshaǵan ortalıq hám klimat máseleleri boyınsha tárepler arasında birge islesiw  baǵdarları kórip shıǵılǵanı atap ótilgen.

Atap aytqanda, sóylesiw waqtında shól aymaqlarında kóklemzarlastırıw baslamaları, shań boranları hám topıraq  degradaciyasına qarsı gúres, ekologiya hám suw resrusları boyınsha birgeliktegi izertlewler  úyrenildi, sonday-aq, tábiyǵıy resurslardı qorǵaw tarawlarında tájiriybe almasıw, ekologiyalıq mashqalalardı sheshiw boyınsha birgeliktegi háreketlerdi kúsheytiw perspektivaları dodalandı.

Bul  sóylesiw global ekologiyalıq mashqalalardı sheshiwde Ózbekstan hám Qatar arasındaǵı  birge islesiwdi bekkemlew, eki mámlekettiń turaqlı rawajlanıwǵa qaratılǵan háreketlerin muwapıqlastırıw, sonday-aq, klimat ózgeriwi, shólleniw hám suw  resurslarınan nátiyjeli paydalanıw sıyaqlı  baǵdarlarda tájiriybe almasıw ushın áhmiyetli qádem ekeni  aytılǵan.

Muharrama Pirmatova, ÓzA