Bul haqqında Prezidentimiz Shavkat Mirziyoevtiń isbilermenler menen ashıqtan-ashıq sóylesiwinde atap ótildi.

Bankler kelesi jılı áyne kishi hám orta isbilermenlikti maqsetli qollap-quwatlaw ushın qolaylı shártlerde ayrıqsha 1 milliard dollar resurs tartadı.

Sonday-aq, Isbilermenlikti rawajlandırıw kompaniyası qosımsha 7 trillion sum resurs ajıratıp, 10 mıń joybardı qarjılandıradı.
Atap aytqanda, kompaniya qarjıları sheńberinde “chempion isbilermen”lerdi kóbeytiw ushın bank arqalı hár bir joybarǵa 10 milliard sumǵa shekem jeńilletilgen kredit beriledi.
Óndiris, servis, jasıl ekonomika joybarları ushın 500 million sumǵa shekem kommerciyalıq kreditler kompaniya tárepinen qayta qarjılandırıladı. Nátiyjede hár jılı 100 mıńnan aslam isbilermenler alatuǵın kredit procenti 6 procentke shekem tómenleydi.
Aldınǵı krediti boyınsha kompaniyadan kepillik alıp, tólemdi waqtında tólegen isbilermenlerge jańa kreditler ushın kepillik muǵdarı 1,5 esege arttırıladı.
Endi iri isbilermenler de kompaniyadan 10 milliard sumǵa shekem kepillik alıwı múmkin boladı.

ÓzA