Prezidentimiz biznesti qollap-quwatlawdıń eń áhmiyetli instrumenti qarjı xızmetleri ekenin atap ótti.

Jaqsı joybarlarǵa qarjı izlep atırǵan isbilermenler kóp, investiciya kirgizemen, degenler de jeterli.

Ámeldegi tártipke bola, juwapkershiligi sheklengen jámiyetler investiciya kirgizip atırǵan shaxstı shólkemlestiriwshi etip alıwǵa májbúr. Biraq, buǵan hámme de kelise bermeydi. Sol sebepli resurs boyınsha tiykarǵı júkleme elege shekem banklerge túsip atırǵanı kórsetip ótildi.
Endi joybarǵa ápiwayılastırılǵan tártipte qarjı tartıw boyınsha investiciyalıq platforma iske qosıladı. Onda barlıq kárxanalar óz joybarın usı platformaǵa jaylastıradı, potenciallı investorlar bolsa qálegen joybardı tańlap, investiciya kirgiziwi múmkin boladı.
Eń áhmiyetlisi, investor shólkemlestiriwshi emes, úles iyesi sıpatında dáramatqa sherik boladı, kirgizgen qarjısı kepillikli qorǵaladı.
Isbilermenler bul jańa sistema arqalı jılına qosımsha 1 milliard dollar qarjı tartıw imkaniyatına iye boladı.
Prezident Shavkat Mirziyoevtiń isbilermenler menen ashıqtan-ashıq sóylesiwi dawam etpekte.

ÓzA