Búgingi ashıqtan-ashıq sóylesiwge tayarlıq dawamında 26 tarawdıń 7 mıńǵa shamalas wákilleri menen óz aldına ushırasıwlar ótkerildi. “Koll-oray” arqalı da 13 mıńnan aslam múrájat hám baslamalar kelip tústi.

Házirgi qıyın sharayatta hár bir kún áhmiyetli ekenin esapqa alıp, ashıqtan-ashıq sóylesiwdi kútip otırmastan, miywe-ovoщ eksportı hám toqımashılıqta toplanıp qalǵan mashqalalarǵa sheshim tawıp berildi.
Ótken háptede biznesti “kóleńke”den shıǵarıwdı xoshametlew boyınsha da isbilermenlerge jáne de qolaylı sharayatlardı názerde tutqan úlken jańalıqlar járiyalandı.
Sonıń ishinde, jumısın kishi joybardan baslap, bizneste tájiriybe hám mamanlıq arttırǵan jeke tártiptegi isbilermenlerge járdem berip, olardı 50-100 adam isleytuǵın kúshli kárxanalardıń iyelerine aylandırıw maqsetinde JTI hám ózin-ózi bánt etken shaxslar ushın 2030-jılǵa shekem arnawlı huqıqıy rejim engizildi.
Endi bunday isbilermenler ushın dizimnen ótiwden baslap esabat tapsırıwǵa shekemgi barlıq xızmetlerdi jámlegen sanlı platformalar jaratıladı. Onda isbilermenler kerekli hújjetlerge aralıqtan turıp biometriya hám “SMS xabarnama” arqalı elektron giltsiz qol qoya aladı. Jumısshılarǵa elektron hámiyan arqalı “kúnine”, “saatına” miynet haqı tólew imkaniyatı jaratıladı.
Prezident Shavkat Mirziyoevtiń isbilermenler menen ashıqtan-ashıq sóylesiwi dawam etpekte.

ÓzA