Prezidentimiz Shavkat Mirziyoevtiń isbilermenler menen ashıqtan-ashıq sóylesiwi dawam etpekte.

Birinshi ashıqtan-ashıq sóylesiwden baslap usı kúnge shekem isbilermenlerdiń 1 mıńǵa shamalas baslaması nızamshılıqta óz kórinisin taptı. Bunıń nátiyjelerin tek ǵana isbilermenler emes, al pútkil xalıq óziniń kúndelikli turmısında sezinbekte.

Mámleketimiz basshısı bul retki ushırasıw úlken dóretiwshilik jumısları baslanǵan Jańa Tashkentte ótip atırǵanında rámziy máni bar ekenligin atap ótti.
– Bul megajoybar reformalarımız turmısta qanday sáwlelenip atırǵanınıń ayqın dálili, jańalanıw hám rawajlanıw jolındaǵı isenimli qádemlerimizdiń ayqın tımsalı boladı.
Siz isbilermenler ushın Jańa Tashkent – jańa imkaniyatlar, jańa ideyalar hám jańa bazarlar maydanına, innovaciyalar hám investiciyalar orayına aylanadı.
Bul jerdegi tolıq “jasıl” texnologiyalarǵa tiykarlanǵan eń zamanagóy infrastruktura sizlerdiń jańadan-jańa ideya hám baslamalarıńız ushın xızmet etedi.
Sonı biliń, Jańa Tashkent dárwazaları biznes islewdi qálegen barlıq isbilermenler ushın hámiyshe ashıq boladı, – dedi Prezidentimiz.

ÓzA