Prezidentimiz reformalardıń dáslepki kúnlerinen-aq isbilermenler menen pikirles bolıp, ekonomikası qúdiretli, sanaatı básekige shıdamlı, finanslıq sisteması turaqlı, barlıq tarawları investorlar ushın tartımlı bolǵan Jańa Ózbekstandı qurıwǵa kirisilgenin atap ótti. Ótken segiz jılda ekonomikamızdıń kóplegen tarmaqları jańadan shólkemlestirildi. Bul dáwirde 230 milliard dollar investiciya kirip keldi, sonnan 120 milliardtan aslamı – sırt el investiciyası.

– Bir qaraǵanda aytıwǵa ańsat bul sandı burınları esaplaw túwe, kóz aldıńızǵa keltiriwge de bolmaytuǵın edi. Biraq biz bunı isley aldıq, – dedi Prezidentimiz.
Túrli kelispewshilikler hám qarama-qarsılıqlar sebepli dúnya ekonomikası oǵada qıyın dáwirdi basınan ótkerip atırǵan bir waqıtta pragmatikalıq hám proaktiv siyasat sebepli birinshi yarım jıllıqta ekonomikamız 7,2 procentke óskeni atap ótildi.
Prezident Shavkat Mirziyoevtiń isbilermenler menen ashıqtan-ashıq sóylesiwi dawam etpekte.

ÓzA