Qıtay Xalıq siyasiy másláhát keńesi Milliy komitetiniń aǵzası, Insan huqıqların úyreniw boyınsha Qıtay jámiyeti baslıǵınıń orınbasarı mırza Czyan Czyango basshılıǵındaǵı delegaciya Ózbekstan Respublikası Ádillik ministrligine bardı.

Ádillik ministriniń orınbasarı Sherzod Rabiev penen ushırasıwda Ózbekstan hám Qıtay arasında izbe-iz rawajlanıp atırǵan óz-ara birge islesiwge itibar qaratıldı. Mámleketimizde alıp barılıp atırǵan keń kólemli reformalar haqqında maǵlıwmat berildi.
Sonıń ishinde, ádillik hám huqıq sistemasın jetilistiriw, insan huqıqları, huqıqıy úgit-násityalaw, yuridikalıq bilimlendiriw hám puqaralardıń nızamlı máplerin isenimli qorǵaw boyınsha kórilip atırǵan ilajlar ayrıqsha atap ótildi.
Ózbekstan Respublikasınıń jańalanǵan Konstituciyası, insan huqıqların bekkemlewge qaratılǵan milliy nızamshılıq normaları, Ádillik ministrligi tárepinen ámelge asırılıp atırǵan jumıslar haqqında tolıq maǵlıwmat berildi.
Mırza C.Czyango qızǵın qabıllaǵanı ushın minnetdarshılıq bildirip, insan huqıq hám erkinliklerin támiyinlew Ózbekstan hám Qıtay ushın tiykarǵı másele ekenin atap ótti.
Doslıq hám konstruktivlik ruwxta ótken ushırasıw juwmaǵında bul sapar etiw eki tárepleme qatnasıqlardı jáne de bekkemlewge xızmet etetuǵını atap ótildi.
Tárepler keleshekte óz-ara paydalı baǵdarlarda birge islesiwdi keńeytiwge tayar ekenin bildirdi.

N.Abduraimova, ÓzA