Insan huqıqların úyreniw boyınsha Qıtay jámiyeti turaqlı komiteti baslıǵınıń orınbasarı Czyan Czyango basshılıǵındaǵı delegaciya aǵzaları mámleketimizge keldi.

Miymanlardı Tashkent xalıqaralıq aeroportında Insan huqıqları boyınsha Ózbekstan Respublikası Milliy orayı direktorınıń birinshi orınbasarı Mirzatilla Tillaboev kútip aldı.
Qıtay Xalıq Respublikası delegaciyasınıń saparı Ózbekstan Respublikası Joqarı sudı basshılıǵı menen ushırasıwdan baslandı. Sapar baǵdarlamasında, sonday-aq, Ózbekstan Respublikası Ádillik ministrligi hám Insan huqıqları boyınsha Ózbekstan Respublikası Milliy orayında ushırasıwlar ótkeriw belgilengen.
Sapardıń ekinshi kúninde paytaxtımızda Qıtay Xalıq Respublikası Baslıǵı Si Czinpinniń ózbek tilinde birinshi márte basıp shıǵarılǵan «Insan huqıqların húrmet etiw hám kepilliklew haqqında» atlı kitabınıń prezentaciyası bolıp ótedi.
Bunnan tısqarı, usı kitaptıń mazmun-mánisine baǵıshlanǵan ilimiy-ámeliy seminar ótkeriw rejelestirilgen.

N.Abduraimova, ÓzA