Jınayat procesinde májbúrlew ilajları institutı jetilistiriledi.

Nızam menen ayırım nızam hújjetlerine qosımshalar hám ózgerisler kirgizildi.

Nızam menen sud tárepinen ayırım shaxslardıń Ózbekstannan shıǵıw huqıqın waqtınsha sheklewge baylanıslı tártipti názerde tutatuǵın qosımshalar hám ózgerisler kirgizilmekte.
Kirgizilgen qosımshalarǵa bola, Ózbekstannan shıǵıp ketiw huqıqın waqtınsha sheklew gúman etiliwshi, ayıplanıwshı yamasa sudlanıwshıǵa qamaqqa alıw ilajı qollanılmaǵan, biraq Ózbekstannan shıǵıp ketip, sudtan keshirimli sebeplersiz bas tartıwı ushın tiykarlar bar bolǵanda qollanıladı.
Prokuror, tergewshi, sorastırıwshı Ózbekstannan shıǵıw huqıqın waqtınsha sheklew haqqında ótinish xat qozǵatıw haqqında usı májbúrlew ilajların qollanıw tiykarların bayan etken halda qarar shıǵaradı.
Ótinish xatı kelip túsken waqıttan baslap 8 saattan keshiktirmey jabıq sud májilisinde kórip shıǵıladı.
Sudya ótinish xattı kórip shıǵıp, Ózbekstannan shıǵıw huqıqın waqtınsha sheklew yamasa onı biykarlaw haqqında qarar shıǵaradı.
Uyǵarıw ústinen 48 saat ishinde shaǵım beriliwi yamasa protest keltiriliwi múmkin.
Nızam rásmiy járiyalanǵan kúnnen baslap kúshke kiredi.

Qaraqalpaqstan xabar agentligi