«Ózbekstan Respublikasında suw resursların basqarıw hám irrigaciya sektorın rawajlandırıwdıń 2025-2028-jıllarǵa mólsherlengen baǵdarlamanı tastıyıqlaw haqqında»ǵı Prezident qararı qabıl etildi.

Qararǵa muwapıq, Ózbekstan Respublikasında suw resrusların basqarıw hám irrigaciya sektorın rawajlandırıwdıń 2025-2028-jıllarǵa mólsherlengen baǵdarlamasın ámelge asırıwdıń tiykarǵı maqsetli kórsetkishleri etip tómendegiler belgilendi, sonıń ishinde:
– irrigaciya tarmaqlarınıń 2 551 km bólegin rekonstrukciyalaw, usı maqsetler ushın hár jılı Mámleketlik byudjetten keminde 1,3 trln. sum ajıratıw hám xalıqaralıq qarjı institutları qarjılarınan 300 mln AQSh dolların ózlestiriw;
– suw támiynatı dárejesi tómen bolǵan suwǵarılatuǵın maydanlardıń kólemi 424 mıń gektardan 276 mıń gektarǵa shekem qısqartıw.
Qarar menen Suw resrusların aqılǵa uǵras basqarıw, olardan nátiyjeli paydalanıw hám qorǵaw jumısların muwapıqlastırıw boyınsha respublikalıq suw keńesiniń quramı tastıyıqlandı.
Bunnan tısqarı, Qararǵa muwapıq, 2025-jıldıń juwmaǵına shekem belgilengen 15 nasos stanciyasına alternativ energiya dárekleri (quyash panelleri) hám energiya únemilewshi qurılmalardı ornatıw joybarı ámelge asırıladı.

Qaraqalpaqstan xabar agentligi