Nızam joybarına túsinik

Elimizde sociallıq qorǵawǵa mútáj shaxslarǵa mámleket tárepinen sociallıq járdem kórsetiw máselelerine tiykarǵı áhmiyet qaratılmaqta. Sebebi, jańalanǵan Bas nızamımız benen Ózbekstan sociallıq hám dúnyalıq mámleket ekeni bekkemlep qoyıldı.
Sociallıq járdem hám járdem máseleleri, mámleketlik uyımlardıń bul baǵdardaǵı wazıypaları, ulıwma, sociallıq jumıs tarawındaǵı qatnasıqlardı tártipke salıw maqsetinde “Sociallıq jumıs haqqında”ǵı nızam joybarı islep shıǵıldı. Xosh, joybarda qanday norma hám jańalıqlar bildirilip atır?
Bul nızam joybarınıń mazmunı hám onda názerde tutılıp atırǵan normalardı Oliy Majlis Nızamshılıq palatasınıń deputatı Mohira Xwjaeva tolıq túsindirip berdi.
Deputattıń atap ótiwinshe, bul nızam joybarı menen sociallıq jumıs tarawındaǵı mámleketlik siyasattıń tiykarǵı principleri, sociallıq jumıs tarawında arnawlı wákillikli mámleketlik uyım hám onıń wákillikleri, sociallıq xızmetkerdiń wazıypaları menen minnetlemeleri belgilenbekte.
Awır sociallıq jaǵdayǵa túsip qalǵan sociallıq qorǵawǵa mútáj shaxslar (shańaraqlar) dıń sociallıq qorǵalıwın támiyinlew, sociallıq jumıstı shólkemlestiriw hám sociallıq qorǵaw tarawındaǵı qatnasıqlar tártipke salınbaqta.
Sonday-aq, joybarda sociallıq qorǵawǵa mútáj shańaraq (shaxs) tı anıqlaw hám olardı sociallıq qorǵawǵa mútáj shańaraq (shaxs) dep tabıw tiykarları, sociallıq xızmetler hám járdemnen paydalanıwshılardıń huqıqları menen minnetlemeleri de sáwlelenbekte. Sociallıq xızmetler hám járdemniń túrleri menen formalarına anıqlıq kirgizilmekte.
Tolıq maǵlıwmat tómendegi video siltemede.

ÓzA