Prezidenttiń 2025-jıl 2-apreldegi 18-1-600/2-sanlı tapsırmasınıń orınlanıwın támiyinlew maqsetinde Ishki isler ministrligi tiyisli nızam joybarın islep shıqtı.

Joybar menen, sonıń ishinde, JTHlardı más halında yamasa náshebentlik quralları, olardıń analogları, psixotrop yamasa shaxstıń aqıl-oyına tásir etetuǵın basqa da elementler tásirinde islegeni ushın jazanı kúsheytiw usınıs etilip, onda JKniń 266-statyası 2-bóliminiń dispoziciyasın jańa redakciyada qabıl etip, más halında yamasa náshebentlik quralları, olardıń analogları, psixotrop yamasa shaxstıń aqıl-oyına tásir etetuǵın basqa da elementler tásirinde bolǵan shaxs tárepinen islengen JTHlardı óz aldına jınayat quramı sıpatında belgilew usınıs etilmekte.
Yaǵnıy, transport quralın basqarıwshı shaxs tárepinen transport qurallarınıń háreketi yamasa olardan paydalanıw qáwipsizligi qaǵıydaların buzıw denege awır jaraqat jetkeriwge sebep bolsa, úsh jılǵa shekem belgili bir huqıqtan ayırıp, bazalıq esaplaw muǵdarınıń eliw esesine shekemgi muǵdarda járiyma yamasa úsh jılǵa shekem erkinen ayırıw menen jazalanadı.
Usı qılmıs más halında yamasa náshebentlik quralları, olardıń analogları, psixotrop yamasa shaxstıń aqıl-oyına tásir etiwshi basqa da zatlar tásirindegi shaxs tárepinen islengen bolsa, belgili huqıqtan ayırıw menen jeti jılǵa shekem erkinen ayırıw menen jazalanadı.
Maǵlıwmat ushın, 2021-jılda jámi jol-transport hádiyseleriniń ulıwma sanı 10 001 di qurap, sonnan, 2 197 i ólim menen baylanıslı jaǵdaylar, 7 804 i dene jaraqatı menen baylanıslı jaǵdaylardı quraǵan.
Sonday-aq:
– 2022-jılı 9 902 jol-transport hádiysesinen 2 086 ólim, 7 816sı dene jaraqatına baylanıslı;
– 2023-jılı 9 712 jol-transport hádiysesinen 2 282si ólim, 9 214 i dene jaraqatı menen baylanıslı;
– 2024-jılı 9 364 JTHdan 2 203 i ólim, 8 901 i dene jaraqatı menen baylanıslı;
– 2025-jıldıń 3 ayı dawamında 1 293 JTHdan 296sı ólim, 1 279ı dene jaraqatı menen baylanıslı jaǵdaylardı quraǵan,-dep málimleme beredi xabar.uz saytı.

Qaraqalpaqstan xabar agentligi