Rossiya Ilimler akademiyası Kosmoslıq izertlewler institutı Quyash astronomiyası laboratoriyasınıń xabar beriwinshe, sárshembi kúni Quyashtıń belsendiligi tómenlegen, Jer quyash plazmasınıń burın atılıp shıqqan tez aǵımınan shıǵıp ketpekte.

– Quyash belsendiliginiń barlıq tiykarǵı faktorlarında – quyash ushqını kúshi hám taj tesiginiń Jerge tásirinde tez tómenlew baqlandı, – delingen sociallıq tarmaqta tarqatılǵan xabarda. – Jerdiń janında quyash samalı tezligi Moskva waqtı menen shama menen 8 de tómenley basladı. Bul planetamız quyash plazması tez aǵımınan shıǵıp atırǵanın ańlatadı.
Atap ótiliwinshe, Quyashta da janıw energiyasınıń tawsılıw belgileri baqlanbaqta. Juldızdıń fon rentgen nurlanıwı kún basınan berli derlik úsh ese hálsireydi, baqlanǵan jarılıw kúshi bolsa shama menen birdey muǵdarda kemeydi.
Sonıń menen birge, ilimpazlar Quyashtaǵı ulıwma jaǵdaydı turaqsız, dep ataǵan. Atap ótiliwinshe, úlken juldızda kóplegen belsendi, sonıń ishinde, jańa, tez rawajlanıp atırǵan oraylar baqlanbaqta.
– Bunday jaǵdayda kúshli jarılıw, eń bolmasa, keyingi 2-3 kún ishinde, derlik, imkansız bolıp qaladı, – dep qosımsha etti laboratoriya. – Geomagnit jaǵday da tiykarınan jasıl aymaqqa qayttı.
Ilimpazlardıń pikirinshe, dem alıs kúnlerinen aldın sezilerli ózgeris kútilmeydi, Quyash bolsa “biraz waqıt umıtılıwı múmkin”.

S.Rahimov, ÓzA