Jaslardıń baslamasın qollap-quwatlaw hám olardıń mashqalalarına sheshim tabıw maqsetinde Ámiwdárya rayonı hákimi S.Xwjametovtıń qatnasıwında jas isbilermenler menen ashıqtan-ashıq sóylesiw bolıp ótti.

Ushırasıwda kommerciyalıq bank hám shólkemlerdiń wákilleri, jaslar jetekshileri hám belsendi isbilermen jaslar qatnastı. Banklerdiń wákilleri tárepinen jaslar ushın bar finanslıq imkaniyatlar, kreditler, jeńilletilgen baǵdarlamalar haqqında maǵlıwmat berildi.
Jaslar óz mashqala hám usınısların tikkeley juwapkerlerge jetkeriw imkaniyatına iye boldı. Jer maydanın ajıratıw, kredit máseleleri, imaratlar menen támiyinlew sıyaqlı máseleler kórip shıǵıldı. Ayırım mashqalalardı ushırasıwdıń ózinde sheshiw ilajları kórildi.
Ilajda salıq jeńillikleri, subsidiyalar hám investiciya imkaniyatları haqqında da túsinikler berildi. Ushırasıw jaslar isbilermenligin rawajlandırıwǵa xızmet etip, jańa jumıs orınların jaratıwǵa túrtki boladı.
– Ushırasıwdıń tiykarǵı áhmiyeti sonda, jas isbilermenler óz ideyaların ámelge asırıw jolında ámeliy járdem aldı, bar tosqınlıqlardı saplastırıw boyınsha anıq baǵdarlar belgilep alındı. Bul bolsa aymaǵımızda jaslar isbilermenligin rawajlandırıw, jańa jumıs orınların jaratıw hám jergilikli ekonomikaǵa jańa túrtki beriwde áhmiyetli qádem bolıp xızmet etedi,-deydi rayon hákimligi Málimleme xızmeti bóliminiń baslıǵı CH.Arslonova.

Qaraqalpaqstan xabar agentligi