Paytaxtımızda «Oraylıq Aziya – isenim, qáwipsizlik hám turaqlı rawajlanıwdıń ulıwma mákanı» VIII Oraylıq Aziya ekspertler forumı (OAEF) dawam etpekte. Ózbekstan Respublikası Prezidenti janındaǵı Strategiyalıq hám regionlararalıq izertlewler institutı (SRII) tárepinen shólkemlestirilgen usı ánjuman baǵdarlaması regionallıq birge islesiwdi tereńlestiriw perspektivasın kórip shıǵıw hám kóp táreplemeli birge islesiwdi rawajlandırıw boyınsha anıq ilajlardı belgilewdi názerde tutqan.

2018-jıl shólkemlestirilgen Oraylıq Aziya Ekspertler Forumı (OAEF) ótken segiz jıl dawamında ózin regionallıq kún tártibindegi eń áhmiyetli máseleler dodalanatuǵın, regionımızda birge islesiwdi jáne de rawajlandırıw boyınsha usınıslar islep shıǵılatuǵın áhmiyetli maydan sıpatında kórsete aladı. Usı kózqarastan Oraylıq Aziya mámleket basshıları Másláhát ushırasıwı (OAMMU) aldınan ótkerilip atırǵan sistemalı ekspertler sóylesiwi joqarı dárejedegi platforma kún tártibin bayıtıwda úlken áhmiyetke iye ekenligi gúmansız.
Ulıwma, ilajdıń ashılıw máresiminde mámleketimiz sırtqı isler ministriniń birinshi orınbasarı Bahromjon Aloev atap ótkenindey, OAEF jumısın baslaǵan dáslepki jıllardaǵı ájayıp sóylesiw maydanınan, endi regionallıq birge islesiwdiń tırnaǵın bekkemleytuǵın, tiykarǵı baǵdarların belgileytuǵın ideyalar hám pikirler mazmunına aylandı.

Ǵayrat Xonnazarov,
Asliddin Alijonov (súwret),
ÓzA