Migraciya agentligi sırt eldegi Ózbekstan puqaralarına múrájat etip, qurallı kelispewshiliklerde qatnasıw jınayıy juwapkershilikke alıp keletuǵının eskertti. Atap ótiliwinshe, bir qatar mámleketlerde miynet migrantların qurallı háreketlerde qatnasıw ushın jallaw jaǵdayları kóbeymekte.

Agentlik tómendegiler qatań túrde qadaǵan etiletuǵının eskertti:
Qurallı kelispewshilik hám jawıngerlik háreketler alıp barılıp atırǵan aymaqlarǵa jaqınlasıw;
– áskeriy operaciyalarda qatnasıw;
– shet mámleketlerdiń qurallı kúshleri, qáwipsizlik xizmetleri, áskeriy ádillik yamasa basqa kúsh strukturaları qatarına qosılıw;
– gúmanlı shaxslar, toparlar yamasa shólkemler tárepinen ámelge asırılıp atırǵan jallaw yamasa tartıw (verbovka) usınıslarına kelisim beriw.
Gúmanlı usınıs yamasa jaǵdaylar júzege kelgende, dárhal Ózbekstannıń diplomatiyalıq wákilxanaları hám konsullıq mákemeleri yamasa Migraciya agentliginiń wákilxanalarına múrájat etiw soralmaqta.
Jınayat kodeksiniń 1541-statyasına muwapıq, sırt mámleketlerde jallanba tiykarda áskeriy xızmetti ótew 3 jıldan 5 jılǵa shekem erkinen ayırıw menen jazalanadı.

Qaraqalpaqstan xabar agentligi