Evropa sırtqı isler ministrleri menen videokonferenciyadan soń EA sırtqı isler ministri Kaya Kallas Rossiyaǵa qarsı jańa sankciya ústinde islep atırǵanın ayttı.

– Biz Rossiyaǵa qarsı keyingi sankciya, Kievke áskeriy járdemdi kúsheytiw hám Ukrainanıń EA quramına qosılıw procesin qollap-quwatlaw ústinde islep atırmız, – dep jazǵan ol AQSh hám Rossiya jetekshileri Donald Tramp hám Vladimir Putin arasındaǵı bolajaq ushırasıwdı dodalawdan soń. – EA mámleketleri AQShtıń ádalatlı tınıshlıqqa alıp keletuǵın qádemlerin qollap-quwatlaydı.
Esletip ótemiz, Kreml hám Aq úy aldınıraq 15-avgust kúni Alyaskada Putin menen Tramp ushırasatuǵının málim etken edi.

Qaraqalpaqstan xabar agentligi