Prezident Shavkat Mirziyoevtiń basshılıǵında toqımashılıq tarawında eksport imkaniyatları hám rezervlerdi iske qosıw máseleleri boyınsha videoselektor májilisi bolıp ótti.

Jańa agentlikke keńes penen birgelikte isbilermenler menen pikirlesip, ózine túser bahası, óndiris hám eksport boyınsha sheshimler islep shıǵıw, “bajıxana aymaǵında qayta islew” rejimi arqalı tayar ónim eksportın 2 esege arttırıw, kooperaciyanı kúsheytip, tómen quwatlılıqta islep atırǵan kárxanalardı salamatlandırıw ilajların kóriw tapsırıldı.

Xalıqaralıq konsultantlar menen birgelikte toqımashılıqtı 2030-jılǵa shekem rawajlandırıw baǵdarlamasın islep shıǵıw hám bılǵarı, pille hám gilemshilik sanaatın rawajlandırıw boyınsha da usınıslar kirgiziw wazıypası qoyıldı.

– Hákimler, klasterler hám toqımashılıq kárxanalarınıń basshıları bir nárseni biliwi kerek. Házirgi sharayatta byudjetke 1 sum qosımsha túsim keltiriw qanshelli qıyın bolıp atırǵanın túsingen túsinedi. Búgin aytılǵan qollap-quwatlaw ilajların pulǵa aylandırsa, 7 trillion sum boladı. Endi soǵan jarasa nátiyje de bolıwı kerek, – dedi mámleketimiz basshısı.

Májiliste belgilengen wazıypalardıń orınlanıwı ústinen qatań qadaǵalaw ornatıw tapsırıldı.

Májilis dawamında toqımashılıq kárxanalarınıń úlgili tájiriybeleri kórip shıǵıldı, tarmaq hám aymaqlar basshılarınıń esabatı tıńlandı.

ÓzA