Usı kúnlerde mámleketimizde miyman bolıp turǵan sport medicinası tarawında úlken tájiriybege iye germaniyalı qánige Simon Brosseder Ózbekstan Milliy olimpiada komiteti hám onıń janındaǵı Respublikalıq sport medicinası ilimiy-ámeliy orayınıń jumısı menen jaqınnan tanıspaqta.

Ózbekstan Respublikası Sport ministri Adham Ikramov, Respublikalıq sport medicinası ilimiy-ámeliy orayınıń direktorı Kamol Sirojiddinov hám basqa da qánigeler menen sóylesiw dawamında germaniyalı qánige Ózbekstan hám Germaniya sport medicinasındaǵı ózine tán ózgeshelikler haqqında aytıp, paytaxtımızda qurılıp atırǵan Olimpiada qalashasındaǵı sharayatlar, Mámleketlik sport medicinası hám ilimiy-ámeliy orayınıń jumısı xalıqaralıq talaplarǵa juwap beretuǵının atap ótti.
Elimizde sportshılardıń densawlıǵın bekkemlew hám medicinalıq xızmet kórsetiwdiń sapasın arttırıw baǵdarında ámelge asırılıp atırǵan jumıslar, aldınǵı tájiriybeler, bar mashqalalar hám olardı saplastırıw jolları haqqında óz usınısların bildirip ótti.

Sonday-aq, germaniyalı qánige Ózbekstan futbol associaciyasında ótkerilgen ushırasıwda futbolshılardıń tikleniwi, olardıń salamatlıǵın qadaǵalaw baǵdarında baylanıslardı jolǵa qoyıw máselesinde birge islesiw baylanısların bekkemlew boyınsha usınıslardı alǵa qoydı.

T.Rwziev, ÓzA