Bul haqqında Prezident Shavkat Mirziyoevtiń basshılıǵında toqımashılıq tarawında eksport imkaniyatları hám rezervlerdi iske qosıw máseleleri boyınsha ótip atırǵan videoselektor májilisinde atap ótildi.

Evropa hám AQSh bazarına tayar kiyim-kenshek eksportın keńeytiw, tarmaqta standartlastırıw hám sanlastırıw jumısların kúsheytiw áhmiyetli ekenligi atap ótildi.
Texnikalıq tártipke salıw agentligine xalıqaralıq sertifikatına iye kárxanalardı 300 ge jetkeriw tapsırıldı.
Sırtqı isler ministrligine aylanısı 1 milliard dollardan úlken brendler menen birge islesiw boyınsha “jol kartası”n islep shıǵıw hám sentyabr ayında Tashkentte bolatuǵın iri kórgizbege usı kompaniyalardı mirát etiw tapsırması berildi.
AQShta jılına derlik 100 milliard dollarlıq tekstil bazarı bar, alternativ qollap-quwatlaw ilajları arqalı bul mámleketke eksporttı 5-6 esege arttırıw múmkin ekeni kórsetip ótildi.
Juwapkerlerge Sent-Luis hám Nyu-York qalalarında 2 sawda úyin ashıw tapsırıldı.
Kárxanalardıń óndiris processlerine jasalma intellektti engiziw arqalı dáramattı 20-30 procentke arttırıw, jumıstı ashıq-aydın etiw hám jasırın ekonomika faktorın azaytıw múmkin.
Bul baǵdarda toqımashılıq kárxanalarına ERP sistemasın engiziw boyınsha baǵdarlama islep shıǵıladı. Kárxanalardı bul sistemaǵa úyretiw qárejetleriniń bir bólegi mámleket tárepinen qaplap beriledi.

ÓzA