Óz xızmetkerleriniń perzentleri ushın baqsha shólkemlestirgen toqımashılıq tarawı kárxanalarına jeke menshik baqshalardaǵı sıyaqlı hár bir tárbiyalanıwshı boyınsha subsidiya ajıratıladı.

Bul haqqında Prezident Shavkat Mirziyoevtiń basshılıǵında ótkerilip atırǵan videoselektor májilisinde málim etildi.
Barlıq toqımashılıq kárxanaların elektr támiynatı oylandırıp atırǵanı atap ótildi. Usı múnásibet penen kárxanalarǵa óz mútájligi ushın ornatılǵan quyash panellerin tarmaqqa jalǵawǵa ruqsat beriledi hám bul maqsetler ushın 200 million dollar kredit resursları qaratıladı hám stavkanıń 10 procentine shekemgi bólegi qaplap beriledi.
– Mine, toqımashılıq kárxanaları ushın bir qatar jeńillikler berip atırmız. Lekin, shappat eki qoldan shıǵadı, – dedi Prezidentimiz.
Házir 15 klasterde talshıqtı qayta islew quwatlılıǵı joq, jáne 12 siniń quwatlılıǵı jeterli emes ekenligi kórsetip ótildi. Olar shiyki zatı jeterli bolmaǵan iyiriw kárxanaları menen nátiyjeli kooperaciya sistemasın jolǵa qoyıwı kerek ekenligi atap ótildi.
Bunday klasterlerge qosımsha investiciya kirgizip, talshıqtı qayta islew boyınsha jańa joybar islew talabı qoyılmaydı hám tartımlı finanslıq mexanizmler usınıladı.
Biraq klaster bul sistema tiykarında talshıqtı qayta islewdi baslamasa, kelesi jıldan klaster statusı biykar etiledi hám paxta zúrááti ushın jeńilletilgen kredit berilmeydi.

ÓzA