Májiliste talshıqtı qayta islew quwatlılıǵı jeterli bolmaǵan ayırım “isbilermenler” mámlekettiń arzan resursı esabınan paxta “spekulyaciyası” menen shuǵıllanıp atırǵanı sınǵa alındı.

Toqımashılıq kárxanalarınıń kommerciyalıq kreditten 2,2 milliard dollar qarızdarlıǵı bar. Kreditlerdiń 90-95 procenti sırt el valyutasında, tek ǵana 16 procent kárxana xalıqaralıq sertifikatqa iye.
– Bunday sharayatta kárxanalar sırtqı bazarda qalay básekilesedi, kreditin qalay qaytaradı, – dep soraw qoydı Prezidentimiz.
Hár bir wálayatta 10-15 ten tayar ónim islep shıǵarıwshınıń bar ekenligi menen olardıń brendler menen birge islesiwin jolǵa qoyıw, zamanagóy standartlarǵa ótkeriw jumısları aqsap atırǵanı kórsetip ótildi.
Ándijan, Namangan, Ferǵana, Nawayı hám Tashkent wálayatlarında talshıqtı qayta islew quwatlılıqları ózindegi shiyki zatqa salıstırǵanda 2-2,5 esege kóp. Soǵan qaramastan, hákimler aymaqlıq investiciyalıq baǵdarlamanı islep shıǵıwda iyirilgen jip joybarların usınıs etip kiyatırǵanına narazılıq bildirildi.
Sırt eldegi diplomatiyalıq wákilxanalarımız toqımashılıq ónimleriniń eksportına jáne de belsene járdemlesiwi zárúr ekenligi atap ótildi.
Prezident Shavkat Mirziyoevtiń basshılıǵında toqımashılıq tarawında eksport imkaniyatları hám rezervlerdi iske qosıw máseleleri boyınsha videoselektor májilisi dawam etpekte.

ÓzA