Onda mámleketimiz ekonomikasınıń 3 procentin, sanaattıń 14 procentin jaratıp atırǵan toqımashılıq tarmaǵın bunnan bılay da qollap-quwatlaw máseleleri kórip shıǵılmaqta.

Keyingi bes jılda tarmaqta 3,5 milliard dollarlıq 396 iri kárxana iske qosıldı, óndiris 10 milliard dollarǵa jetti. Tarawda 500 mıńnan aslam adam bánt. Bul sanaatta bánt jámi xalıqtıń 20 procentine teń.
Sonıń menen birge, tarawda óndiris hám eksport kórsetkishleriniń tómenlewi baqlanbaqta, bul bolsa xalıqaralıq jaǵdaydı esapqa alǵan halda óndiris, jumıs orınları hám eksporttı saqlap qalıw boyınsha operativ ilajlar kóriwdi talap etpekte.
Dúnyada paxta kotirovkaları 2022-jıldan baslap tómenlep baratırǵanı klasterler ushın mashqala tuwdırmaqta. Sońǵı úsh jılda baha tonnası ushın 3 mıń dollardan 1,5 mıń dollarǵa tústi.
Isbilermenler eski qarızın jańa ónim esabınan bir-birine jalǵap qaplamaqta. Bul jaǵdaydan shıǵıp ketiw ushın 2022-2023-jıllar ushın paxta shiyki zatına berilgen jeńilletilgen kredit 3 márte sozdırıldı, ótken jılı paxta bahasın túsiriw ushın tonnasına 1 million sumnan subsidiya berildi.
Dúnya bazarında bahanıń keskin túsiwi búgin baslanbaǵanı, ekonomikalıq kompleks ilimiy shólkemler menen birge bul baǵdarda hár qıylı scenariy hám sheshimlerdi tayarlap qoyǵan bolıwı kerek ekenligi kórsetip ótildi.

ÓzA