Endi Ózbekstanda kepillikler beriwshi shólkem finanslıq qarjılar hám kepilliklerdiń óz waqtında qaytarılıwın támiyinlew jáne mashqalalardı dáslepki basqıshta anıqlaw maqsetinde kredit shólkemleri hám kepillik portfeli kesiminde keminde hár ayda tallaw ótkeriwi kerek. Bul 11-avgust kúni Ádillik ministrliginde mámleketlik dizimnen ótkerilgen “Kepillikler beriwshi shólkemlerdiń jumısın muwapıqlastırıw hám tártipke salıw haqqında”ǵı rejede belgilengen.
Rejege bola, shólkemniń risklerdi basqarıw strukturası tómendegilerden ibarat bolıwı kerek:
• baqlaw keńesi;
• atqarıwshı uyım;
• risklerdi basqarıw boyınsha tiyisli strukturalıq bólim;
• risklerdi basqarıwǵa juwapker bolǵan basqa bólimler.
Hújjette atap ótiliwinshe, shólkem aktivlerdi sapa boyınsha klassifikaciyalaydı hám olar boyınsha itimallı shıǵınlardı qaplaw ushın rezervler jaratadı.
Shólkem kapitalınıń jeterlilik koefficienti onıń jámi óz kapitalınıń jámi aktivlerine qatnası arqalı esaplanadı hám bul koefficient 10 procentten kem bolmawı kerek.

Qaraqalpaqstan xabar agentligi