12-avgust – Xalıqaralıq jaslar kúni múnásibeti menen Oliy Majlis Senatı janındaǵı Jaslar parlamenti aǵzaları ushın BMShtıń Xalıqtanıw qorı (UNFPA) tárepinen “Jaslardıń demografiyalıq processlerdegi roli hám imkaniyatları” atamasında oqıw seminarı shólkemlestirildi.

Oqıw seminarın Jaslar parlamentiniń baslıǵı Laylo Aslonova kiris sóz benen ashıp, jaslardıń demografiyalıq turaqlılıq procesinde belsene qatnasıwı boyınsha óz pikirlerin bildirdi.
Óz gezeginde, UNFPAnıń Ózbekstandaǵı wákilxanası basshısınıń orınbasarı Matluba Umurzakova jaslarǵa baylanıslı siyasat hám demografiyalıq turaqlılıqqa baylanıslı mámleketlik baǵdarlamalar jáne jaslardı qollap-quwatlawdıń áhmiyetli baǵdarları haqqında maǵlıwmat berdi.
Seminar sheńberinde demografiyalıq turaqlılıq, jaslardıń sociallıq-ekonomikalıq rawajlanıwdaǵı ornı, sonday-aq, jaslar siyasatınıń turaqlı rawajlanıwǵa tásirine baylanıslı tiykarǵı máseleler kórip shıǵıldı.
Sonday-aq, ilajda demografiyalıq dividendten nátiyjeli paydalanıw hám demografiyalıq turaqlılıq strategiyası máseleleri dodalandı.

Qaraqalpaqstan xabar agentligi